أنا مين...؟

انا مين...؟

أنا أحمد طالب فى تالتة ثانوى عندى 17 سنة بكتب المقالة دى بتاريخ 10 ديسمبر 2024... معملتش اى حاجة فى حياتى لحد دلوقتى و مش منظتم فى المذاكرة خالص و متراكم عليا حاجات كتير بضيع وقت كتير على السوشيال ميديا و المحتوى التافة حاولت كتير احط حد للموضوع ده بس مفيش فايدة وحاولت اكتر من مرة انى اتغير و اكون أحسن بس مش عارف و لذلك انا  جاى انهارده و انا واخد قرار و مجدد النية لله انى اتغير بس المرة دى مختلفة

أنا مين... ؟

ليه المره دى مختلفة عن كل مرة...؟

المرة دى مختلفة عشان انا قررت اشارك الرحلة و التغيير دا على السوشيال ميديا و تحديدا منصة تويتر( اكس ) و مدونة خاصة عشان دا ممكن يكون دافع ليا وسبب يخلينى اتحرك و اعمل جديد كل يوم و كمان اشارك الحاجات الجديدة اللى بتعلمها لعل حد ينتفع بيها فى يوم من الأيام  و لذلك انا قررت اخد خطوات واضحة ومححدة عشان اوصل لنتيجة