اليوم الثانى (بساطة بدون إنتاجية)
انهاره الخميس 12 ديسمبر 2024 و دا اليوم التانى من تحدى 100 يوم تغيير و للى ميعرفنيش أنا أحمد طالب فى تالتة ثانوى وبعمل التحدى ده عشان يكون دافع للتغيير للأحسن ويكون مصدر لإلهام ناس تانية بتمر بنفس اللى انا بمر بيه ... أنا بنزل كل يوم يومياتى هنا وعلى موقع اكس و تقدرو تتابعونى لو حابين تشاركوا معايا الرحلة.
 |
| اليوم الثانى من التحدى |
مجريات اليوم
صحيت انهارده تقريبا الساعة سته و على ما تحركت وقمت صليت الفجر اللى ملحقتش اصليه جماعة للأسف كانت الساعة تقريبا وصلت سبعة بعدها قمت فطرت وبدأت سيشن فيزياء قصيرة محصلتش فيها كتير ومخلصتش المحاضرة الأولى لسا من محاضرات مستر عبد المعبود وبعدها نزلت الدروس الساعة تسعة ونص تقريبا و انهارده كان يوم مليان دروس وطويل أوى .. كان عندى فيه تلات دروس بدأت بدرس العربى وبعدها كانت صلاة الظهر و بعد كدا كان درس الكيمياء الساعة واحدة و خلصت درس الكيمياء ورحت بعد كدا على درس الرياضيات وخلصت دروس تقريبا الساعة خمسة ونص روحت وصليت العصر و المغرب وبعدها اتعشيت ومقدرتش اذاكر حاجة جديدة انهارده لأن اليوم كان طويل أوى
خلاصة اليوم
مذاكرتش ولا حصلت حاجة انهارده بس الحمد لله ماشى كويس بالنسبة للعادات الوحشة اللى أنا عايز ابطلها.... مفيش أغانى و مفيش شوشيال ميديا و لا محتوى قصير ولا أى وسيلة من وسائل الدوبامين الرخيص ده....
فى النهاية
.
ردحذفإذا واجهتكم مشكلة أثناء قراءة المقالة قوموا بإيقاف الوضع الداكن
ردحذف